काठमाडौँ । कतारका राजा शेख तमिम विन हमद अल थानी राष्ट्रपति रामचन्द्र पौडेलको निमन्त्रणामा नेपालको दुई दिने राजकीय भ्रमणमा रहेका छन् । मंगलबार अपरान्ह त्रिभुवन अन्तर्राष्ट्रिय विमानस्थलमा ओर्लेका उनलाई राष्ट्रपति पौडेलले विमानस्थलमा स्वागत गरेका थिए ।
त्यसपछि उनीहरुबीच राष्ट्रपति भवन शीतल निवासमा भेटवार्ता भएको छ । अनि राष्ट्रपति पौडेलले थानीको सम्मानमा साँझ रात्रिभोजको आयोजना गरे । सो अवसरमा विविध सांस्कृतिक झलक पनि प्रस्तुत गरिएको थियो ।
रात्रिभोजमा प्रथम महिला सविता पौडेल, उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरे र राष्ट्रियसभाका अध्यक्ष नारायणप्रसाद दाहालको उपस्थिति रहेको थियो ।
त्यस्तै रात्रिभोजमा प्रधानन्यायाधीश, पूर्वप्रधानमन्त्रीहरु, उपप्रधानमन्त्री, मन्त्री, सांसद, उद्योगपति एवं विभिन्न क्षेत्रका लब्धप्रतिष्ठित महानुभावको सहभागिता थियो ।
बुधबार दुई देशका प्रतिनिधिमण्डलस्तरीय भेटवार्ताको कार्यक्रम छ । त्यस्तै प्रधानमन्त्री पुष्पकमल दाहाल प्रचण्डसँग भेटघाट गर्नेछन् ।
