वकिलको खर्च भुक्तानी नगर्दा पाकिस्तानलाई कारबाही गर्ने ब्रोडसिटको चेतावनी

प्रकाशित २०७७ फागुन ३ सोमबार

लन्डन। ब्रोडसिट एलएलसीले ब्याज, बाँकी ऋण र कानुनी लागतमा ढिलाइ नगरी भुक्तान नगरेको खण्डमा अनुमानित २.२ मिलियन डलर पाकिस्तानको सम्पत्ति विरुद्ध थप कारबाही गरिने चेतावनी दिएको छ।

द न्युजका अनुसार एलेन र ओभरीमा पाकिस्तानका वकिलहरू र क्रोएल एन्ड मोरिंग ब्रोडसिटका वकिलहरू बिच गत दुई हप्ताको बृहत् संवाद फेला परेको छ। ब्रोडसिटले पाकिस्तानलाई तुरुन्त रकम तिर्न दबाब दिएको हो। जसमा ३१ डिसेम्बर, २०२० सम्म युनाइटेड बैङ्कमा प्राप्त कोषको रकमको थप ऋणको ब्याज ११८०७९९ अमेरिकी डलर भुक्तान गर्नुपर्ने भएको हो।

जुन ब्यालेन्स जजमेन्टका लागि तिरिएको ४० हजार ६७७ अमेरिकी डलर अपर्याप्त भएको र त्यसमा थप ५ हजार ८८९ अमेरिकी डलर थपिँदै जानेसमेत बताइएको छ।

दुई पक्षबिच भएको संवादमा पाकिस्तानका वकिलहरूले ब्रोडसिटका वकिलहरूलाई पाकिस्तान सरकारले यस सम्बन्धमा थप कार्यान्वयनको कामको आवश्यकता बिना नै समाधान गर्न चाहेको र कोभिड महामारीलाई एनएबीबाट निर्देशन प्राप्त गर्न ढिलाइ भएको कारण पनि यस्तो हुन गएको प्रतिक्रिया दिएको छ।

ब्रोडसिटका वकिलहरूले अदालतले लागु गर्ने कार्य अघि बढाए अघिल्लो फ्रीजिंग अर्डरहरु थप आकर्षित हुनसक्ने चेतावनी दिएको छ। एलेन र ओभरीबाट आएको एक ईमेलमा किन पाकिस्तानले भुक्तानीमा ढिलाइ गरिरहेको छ र किन उनीहरूको ग्राहकलाई अझ बढी समय चाहिन्छ भनेर सोधिएको समाचारमा उल्लेख छ।

पाकिस्तान सरकारको कानुनी प्रतिनिधिले ब्रोडसिटका वकिलहरूलाई भनेका थिए कि उनीहरूले “जत्ति सक्दो चाँडो” जवाफ दिने छन्। तर ब्रोडसिटका वकिलहरूले भने कि उनीहरूसँग पाकिस्तान सरकार विरुद्ध थप कारबाहीको काम सुरु गर्नु बाहेक अरू कुनै विकल्प छैन।