-
-
-
-
नेपालगन्ज । जनता समाजवादी पार्टीका अध्यक्ष उपेन्द्र यादवले लोकतन्त्रलाई धरापमा पार्ने खेलका विरुद्ध मोर्चाबन्दी गर्नुपर्ने बताएका छन् ।
अवधि पत्रकार संघ बाँकेले बिहिवार बिहान नेपालगन्जमा गरेको पत्रकार सम्मेलनमा अध्यक्ष यादवले संघीयता, लोकतन्त्र र समावेशितालाई धरापमा पार्दै समाप्त गर्ने उद्देश्य अनुरुप प्रतिनिधिसभा विघटन गरिएको जिकिर गरे ।
उनले संसद् विघटन संविधानसम्मत नभएको बताए । यादवले संसद् विघटन असंवैधानिक र अलोकतान्त्रिक भएको बताउँदै मुलुकलाई प्रतिगमनतर्फ लैजाने खेल भइरहेको दावी गरे ।
"प्रतिनिधिसभा विघटनपछि प्रधानमन्त्रीले फरक फरक कारण बताइरहनुभएको छ, कहिले यो संविधानसम्मत हो भन्नुहुन्छ, कहिले राजनीतिक निर्णय हो भन्नुहुन्छ, यसको औचित्य नै पुष्टि हुन सकेको छैन," यादवले भने ।
