-
-
-
-
जनकपुर । प्रदेश नं २ मा पछिल्लो २४ घण्टामा २४६ नयाँ संक्रमित थपिएका छन् ।
प्रदेशका सामाजिक विकास मन्त्रालयको तथ्याङ्कअनुसार सो अवधिमा सिरहामा दुई, धनुषामा ३३, महोत्तरीमा २०, सर्लाहीमा ७०, रौंतहटमा १३, बारामा ५३ र पर्सामा ५४ जना नयाँ संक्रमित थपिएका हुन् ।
यसका साथै, अव संक्रमितको सङ्ख्या नौं हजार ४२७ पुगेको छ । सोमध्ये बुधबार १२८ जना उपचारपछि घर फर्केका छन् ।
यस प्रदेशमा अहिलेसम्म चार हजार ४३९ जना उपचार गराइ निको भएर घर फर्केका छन् ।
यस प्रदेशका १९६ क्वारेन्टिनमा ८८१ जना छन् भने होम क्वारेन्टिनमा दुई हजार ५८८, आइसोलेशनमा एक हजार १२० र होम आइसोलेशनमा तीन हजार ८०४ जना रहेको समाजिक विकास मन्त्रालयले जनाएको छ ।
