चैते संक्रान्तिदेखि भारतबाट जुम्ला भित्रिने ३७१, तेस्रो मुलुकबाट १३
प्रकाशित २०७६ चैत १८ मंगलबार
1k
Shares
जुम्ला । चैत १ गतेदेखि यता भारतमा काममा गएका ३७१ जना र तेस्रो मुलुकबाट १३ जना जुम्ला भत्रिएको डाटा जिल्ला प्रशासन कार्यालय जुम्लाले सार्वजनिक गरेको छ।
भारतबाट आएका केहीलाई विभिन्न गाउँपालिकामा क्वारेन्टाइनमा राखिए पनि प्राय मानिसहरु घरमै बसिरहेका छन्।
भारत र तेस्रो मुलुकबाट आएका सबैको स्वास्थ्य अबस्था हाल सामान्य रहेपनि उनिहरुबाटै संक्रमण फैलिन सक्ने संभाबना रहेकाले निगरानिमा राख्न स्थानिय तहलाई जिल्ला प्रशासनले अनुरोध गरिरहेको छ।
भारतबाट सबैभन्दा बढि तिला गाउँपालिकामा १४५ र गुठिचौर गाउँपालिकामा ६ जना भित्रिएका छन् ।
तातोपानीमा ४२, सिजामा ६१, कनकासुन्दरीमा ४४, हिमा ४६, पातरासी ९ र चन्दननाथ नगरपालिकामा १८ जना भित्रिएका छन् ।
क्वारेन्टाइनमा रहेका पनि कडा निगरानी नभएपछि पछिल्लो समय आफूखुशी घर फर्किरहेका छन् ।
