शाहरुखलाई राहत, मुम्बईलाई हराउँदै कोलकाता प्लेअफमा पुग्न आशावादी
प्रकाशित २०७६ वैशाख १६ सोमबार
309
Shares
काठमाडौं । बलिउड अभिनेता शाहरुख खानको लगानी रहेको क्लब कोलकाता नाइट राइडर्स आइपीएल क्रिकेटको प्लेअफतिर अगाडि बढेको छ ।
निकै महत्वपूर्ण खेलमा मुम्बई इन्डियन्समाथि ३४ रनको सफलता हासिल गरेसंगै कोलकाताले आशा जिवितै राखेको हो ।
कोलकाताले शानदार ब्याटिङ गर्दै २ विकेटको नोक्सानीमा २३२ रन बनायो । आन्द्रे रसेलले ४० बलमा नटआउट ८०, शुबमन गिलले ४५ बलमा ७६, क्रिस लिनले २९ बलमा ५४ तथा कप्तान दिनेश कार्तिकले ७ बलमा नटआउट १५ रन बनाए ।
जवाफमा मुम्बईले हार्दिक पाण्डेयाको सनसनीपूर्ण प्रदर्शनका बाबजूत पराजित भयो । मुम्बईले ७ विकेटको नोक्सानीमा १९८ रन बनायो ।
पाण्डेयाले ३४ बलमा ९१ रन बनाए । त्यसबाहेक सुर्यकुमार यादवले २६ र क्रुनाल पाण्डेयाले २४ रन बनाए ।
अलराउन्डर रसेल, सुनिल नाराइन र ह्यारी गुर्नेले २–२ विकेट लिए ।
जितपछि कोलकाता १२ खेलबाट १० अंकसहित पाँचौं स्थानमा पुगेको छ । ऊ प्लेअफका लागि आशावादी देखिएको छ ।
हारेको मुम्बई १२ खेलबाट १४ अंकसहित तेस्रो स्थानमा छ ।
