गौतम गम्भीर क्रिकेट क्रिजबाट राजनीतिमा, बीजेपीका उम्मेदवार
प्रकाशित २०७६ वैशाख १० मंगलबार
420
Shares
काठमाडौं । भारतीय क्रिकेटर गौतम गम्भीरले राजनीतिमा पाइला चालेका छन् । उनी भारतीय जनता पार्टीमा लागेका हुन् ।
उनी उम्मेदवारसमेत बनेका छन् । उनले उम्मेदवारी दर्ता गराउनुअघि रोड शो पनि गरेका छन् । उनले दिल्लीबाट उम्मेदवारी दर्ता गराउँदैछन् ।
उक्त क्रममा गौतमले आफूले राजनीतिमार्फत देश सेवा गर्ने बताएका छन् ।
क्रिकेटमा सफल मानिने गौतमले राजनीतिमा कस्तो प्रदर्शन गर्ने हुन् त्यो भने चुनावी नतिजाले नै भर पार्नेछ ।
गौतमको क्रिकेट करियर–
सन् १९८१ अक्टोवर १४ मा दिल्लीमा जन्मिएका टप अर्डर ब्याट्सम्यान गौतमले १४७ एक दिवसीयमा ५२३८ रन बनाएका छन् जसमा ४१.९५ को एभरेजमा ११ सतक र ३४ अर्धसतक रहेका छन् ।
उनले टी–२० मा ३७ खेलमा ७ अर्धसतकसहित ९३२ रन बनाएका छन् । गौतमले ५८ टेष्टमा ९ सतक र २२ अर्धसतकसहित ४१५२ रन बनाएका छन् ।
