काठमाडौं । च्याम्पियन्स लिग फुटबलको सेमिफाइनलमा इंगलिश क्लब लिभरपुल र स्पेनिश क्लब बार्सिलोना भेट्ने भएका छन् ।
क्वार्टरफाईनलको दोस्रो लेगको खेलमा लिभरपुलले एएफसी पोर्टोलाई ४–१ गोल अन्तरले पराजित गर्दै समग्रमा ६–१ को जित निकालेको हो । पहिलो लेगमा लिभरपुल २–० ले विजयी भएको थियो ।
पोर्टोको घरेलु मैदानमा भएको दोस्रो लेगको खेलमा लिभरपुलले साडियो मानेको गोलबाट लिएको थियो । २६ औं मिनेटमा मानेले गोल गर्दै लिभरपुललाई अग्रता दिलाएका थिए ।
६५ औं मिनेटमा मोहमद सलाहले गोल गर्दै लिभरपुललाई २–० को अग्रता दिलाए ।
घरेलु टोलीका लागि मिलिटोले ६९ औं मिनेटमा गोल गर्दै हारको अन्तर घटाउने प्रयास गरेका थिए । तर रोबर्टो फिर्मिन्होले ७७ औं मिनेटमा गोल गर्दै लिभरपुललाई ३–१ को अग्रता दिलाए । खेल सकिन ६ मिनेटअघि भान डिजिकले गोल गर्दै जित सुनिश्चित गरे ।
यो नतिजाले माने र सलाहको भिडन्त बार्सिलाना स्टार लियोनल मेस्सीसंग हुने भएको छ ।
सेमिफाईनलको पहिलो लेगको खेल बार्सिलोनाको घरेलु मैदान नोउ क्यापमा हुनेछ । यो खेल १२ दिनपछि अप्रिल ३० मा हुनेछ ।
