-
-
-
-
काठमाडौं । इंगल्याण्ड र वेल्समा आगामी मे ३० तारिखदेखि हुने विश्वकप एक दिवसीय क्रिकेटमा भारतको नेतृत्व गर्ने कप्तान विराट कोहलीको व्यवसायिक क्रिकेटमा भने असफलता चुलिएको छ ।
कोहलीले नेतृत्व गरिरहेको रोयल च्यालेन्जर्स बैंगलोरले आइपिएल टी–२० क्रिकेटमा अहिलेसम्मकै खराव प्रदर्शन गरेको छ ।
आठमध्ये सातौं हार बेहोरेको बैंगलोरले सोमबार राति मुम्बई इन्डियन्ससंग ५ विकेटको हारको सामना गर्नुपर्यो ।
मुम्बईको वान्खडे क्रिकेट स्टेडियममा बैंगलोरले दिएको १७२ रनको लक्ष्य घरेलु टोलीले १९ ओभरमा मात्र ५ विकेट गुमाएर पुरा गर्यो ।
मुम्बईको जितमा क्विन्टन डी ककले ४० रन जोड्दा हार्दिक पाण्डयाले नटआउट ३७ रन जोडे ।
यस्तै सूर्यकुमार यादवले २९, कप्तान रोहित शर्माले २८ र इशान किसनले २१ रन बनाए । बैंगलोरका युजभेन्द्र चाहल र मोइन अलीले २–२ विकेट लिए ।
यसअघि टस हारेर पहिले ब्याटिङ गरेको बैंगलोरले ७ विकेटको नोक्सानीमा १७१ रन बनाएको थियो । एबी डी भिलियर्सले ७५ रन तथा मोइन अलीले ५० रन बनाए ।
मुम्बईका लाथिस मालिंगाले ४ विकेट लिए ।
जितसंगै मुम्बई ८ खेलबाट १० अंक जोडेर लिगको तेस्रो स्थानमा पुगेको छ । पराजित बैंगलोर भने ८ खेलबाट २ अंक जोडेर पुछारमा छ ।
बैंगलोरको बलिङ निकै कमजोर हुँदै गएको छ । लिगको अंक तालिकामा चेन्नाई सुपर किंगस १४ अंकसहित शिर्ष स्थानमा छ ।
दोस्रो स्थानको सन्दीप लामिछाने आवद्ध दिल्ली क्यापिटल्स दोस्रो स्थानमा छ ।
मंगलबारको खेल
मंगलबारको खेलमा किङस ११ पंजाब र राजस्थान रोयल्स भिड्दै छन् । खेल राति ८ः१५ बजे पंजाबको मैदानमा हुँदैछ ।
पंजाब ८ अंकसहित पाँचौं स्थानमा छ भने राजस्थान ४ अंकसहित सातौं स्थानमा छ ।
