-
-
-
-
काठमाडौं । रसिया विश्वकप फुटबलका हिरो केलियन एम्बाप्पेले मिश्रित प्रदर्शन गरेको खेलमा जित पाउँदै फ्रेन्च क्लब पेरिस सेन्ट जर्मेन पिएसजी फ्रेन्च कप अर्थात् कोप डे फ्रान्सको फाइनलमा पुगेको छ ।
घरेलु मैदानमा खेलेको पिएसजीले नान्टेसलाई ३–० गोल अन्तरले हराएर फाइनलमा स्थान पक्का गरेको हो ।
मार्को भेर्राट्टीले २९ औं मिनेटमा पहिलो गोल गरे ।
एम्बाप्पेले पेनाल्टी मिस गरे । ६६ औं मिनेटमा पाएको पेनाल्टीलाई गोल गर्न सकेनन् ।
नान्टेसका काफिया कौलिबालेले दोहोरो पहेंलो कार्ड खाएपछि टोली १० जनामा समेटियो ।
पिएसजीले ८५ औं मिनेटमा दोस्रो पेनाल्टी हान्ने अवसर पायो । एम्बाप्पेले तब गोल गरे ।
डानी एल्भेसले इन्जुरीमा गोल गर्दै ३–० ले जिताए । पिएसजी लगातार पाँचौं उपाधिको नजिक छ ।
नेयमार भने दर्शकदिर्घामा थिए । घाइते भएका कारण पिएसजीबाट उनी खेल्न पाएनन् ।
