काठमाडौं । युवा खेलाडी ब्राहिम डियाजले आकर्षक खेल प्रदर्शन गर्दै म्यानचेस्टर सिटीलाई काराबाओ कप फुटबलको क्वार्टरफाइनलमा पुर्याएका छन् ।
इंग्लिश लिग फुटबल (इएफएल) भनिने उक्त प्रतियोगितामा घरेलु मैदान इत्तेहादमा बिहीबार राति भएको खेलमा म्यानचेस्टरले फुल्हमलाई २–० ले हरायो ।
डियाजले १८औं मिनेटमा भिसेन्ट कोम्पनीको पासमा र ६५औं मिनेटमा गाब्रियल जेससको प्रहारलाई फुल्हमका गोलरक्षकले रोके पनि रिवाउन्डमा डियाजलेले गोल गर्न सफल भएका थिए ।
यो प्रदर्शनले डियाजले फुटबलप्रेमीको ध्यान खिच्न सफल भएका छन् ।
१९ वर्षे स्पेनिस डियाजको यो सिनियर पहिलो गोल हो । उनी सन् २०१३ मा मालागाबाट खेल्न थालेका हुन् ।
