पूर्व विश्वकप विजेता जर्मनीको हार, चम्कियो नेदरल्याण्ड
प्रकाशित २०७५ असोज २८ आइतबार
494
Shares
काठमाडौं । युइएफए नेसन्स लिग फुटबलमा विश्वकप फुटबलको पूर्व विजेता जर्मनीको खराव लय जारी छ । जर्मनीले शनिबार राति भएको खेलमा नेदरल्याण्डसंग ३–० को कमजोर प्रदर्शन गर्यो ।
समूह ए वान अन्तर्गत भएको खेलमा घरेलु टोली नेदरल्याण्डलाई जिताउन भर्जिल भान डेक, म्याम्फिस डिपेयी र जर्जिनियो वाइनाल्डमले १–१ गोल गरे ।
भान डेकले ३० औँ मिनेटमा गोल गर्दै नेदरल्याण्डसलाई पहिलो हाफमा अग्रता दिलाए । डिपेयीले ८६ औँ मिनेटमा र इन्जुरी समयको तेस्रो मिनेटमा वाइनाल्डमले गोल गरेका थिए ।
सन् २०१४ को विश्वकप विजेता जर्मनीले पछिल्ला १२ खेलमा तीनवटा मात्रै जितेको छ । तीन महिनाअघि रुसमा भएको विश्वकप फुटबलमा जर्मनी समूह चरणबाटै बाहिरिएको थियो ।
समूह ए वानमा फ्रान्स ४ अंकसहित शीर्ष स्थानमा छ भने नेदरल्याण्ड ३ अंकबाट दोस्रो तथा १ अंकबाट जर्मनी पुछारमा छ । यसअघि जर्मनीले फ्रान्ससंग सेप्टेम्बर ७ मा गोलरहित बराबरी खेलेको थियो ।
