काठमाडौं । टी–२० विश्वकप छनोट क्रिकेटमा नेपाल र भुटान भिडिरहेका छन् । जितका लागि भुटानले १५१ रनको लक्ष्य पछ्याउँदैछ ।
टस हारेर पहिले ब्याटिङ गरेको नेपालले ओपनिङ ब्याट्सम्यान प्रदीप सिंह ऐरीको नटआउट ७५ रनको मद्धतले ४ विकेटको नोक्सानीमा १५० रन बनायो ।
ऐरीले २ छक्का र ६ चौकाको मद्धतले ६८ बलमा ७५ रन बनाएका हुन् ।
त्यसैगरी अनिलकुमार शाहले २१ बलमा २७, दिपेन्द्र सिंह ऐरीले १० बलमा १५, करण केसीले ५ बलमा नटआउट ११, आरिफ शेखले १५ बलमा १३ रन बनाउँदा विनोद भण्डारी डकआउट भएका थिए ।
एसिया रिजन क्वालिफायर बी मा रहेको नेपाल समूहको शिर्ष स्थानमा रहेको नेपालले भुटानलाई हराए शिर्ष ३ मा रहेर दुई खेल अघि नै सन् २०१९ मा अष्ट्रेलियामा हुने विश्वकपको अर्को चरणमा छानिने लगभग पक्का हुनेछ ।
यसअघि नेपालले थाइल्याण्ड, मलेसिया र म्यानमारलाई हराएको थियो ।
७ टिम सहभागी भएकामा शिर्ष तीन टिम अर्को चरणमा पुग्नेछन् ।
नेपालले भुटानपछि चीन र सिंगापुरसंग खेल्न बाँकी हुनेछ ।
