नेपाल साफ च्याम्पियनसिप फुटबलको सेमिफाइनलमा, बंगलादेश स्तब्ध
हिरो बने बिमल घर्ती मगर र नवयुग श्रेष्ठ
प्रकाशित २०७५ भदौ २३ शनिबार
521
Shares
काठमाडौँ । नेपाल बङ्गलादेशको ढाकामा जारी साफ च्याम्पियनसीप फुटबलको सेमिफाइनलमा प्रवेश गरेको छ । समूहको अन्तिम खेलमा आयोजक बंगलादेशमाथि २–० को विजयी नतिजाका साथ नेपालले समूह विजेता बन्दै सेमिफाइनलमा ठाउँ बनाएको हो ।
नेपालको यो पछिल्लो नेपाली फुटबलको गिर्दो साखलाई जोगाउने खेल भएको छ । बंगलादेशसंग नेपालको विगत राम्रो नभए पनि यसपटक घरेलु टिम नेपालसंग घुँडा टेक्न वाध्य भएको हो ।
नेपालका लागि ३३ औं मिनेटमा बिमल घर्तीमगरले लङ फ्रिकिकमा गोल गरेका हुन् ।
त्यसैगरी ९० औं मिनेटमा नवयुग श्रेष्ठले अर्को आकर्षक गोल थपेर नेपालको जित सुनिश्चित गरेका थिए ।
नेपालले यसअघि भुटानलाई ४–० ले हराएको थियो भने पाकिस्तानसंग २–१ ले नतिजा सुम्पिएको थियो ।
यो समूहबाट नेपाल समूह विजेता र पाकिस्तान उपविजेता बन्दै सेमिफाइनलमा पुगेको हो ।
नेपालले समूह बी को उपविजेतासंग सेमिफाइनल खेल्नेछ । नेपालले भारत वा माल्दिभ्स प्रतिद्धन्द्धी पाउने छ । नेपालको सेमिफाइनल खेल आगामी बुधबार हुनेछ ।
