-
-
-
-
काठमाडौं । रसिया विश्वकपमा छनोट नभएर विश्व फुटबलमै लज्जास्पद मोडमा पुगेको इटाली अझै पनि लयमा फर्केको छैन ।
इटाली युइएफए नेसन्स लिग फुटबलमा पोल्याण्डसंग १–१ गोलको बराबरीमै रोकिएको हो ।
खेलको ४० औं मिनेटमा जेलिन्स्किको गोलबाट पोल्याण्डले अग्रता लिएको थियो । डेलएरा मैदानमा खेलेको इटालीले ७८ औं मिनेटमा योर्गिन्होको पेनाल्टी गोलबाट बराबरी गरेको थियो ।
इंगलिस क्लव चेल्सीका मिडफिल्डर योर्गिन्होले नै इटालीको उद्दार गरेका हुन् ।
यो प्रतिस्पर्धात्मक खेल इटालीका नयाँ म्यानेजर रोबर्टो मान्सिनीको पहिलो खेल थियो ।
लिग ए को समूह ३ मा इटाली, पोल्याण्ड र पोर्चुगल रहेका छन् । अब इटालीले सेप्टेम्बर ११ तारिखमा पोर्चुगलसंग खेल्नेछ ।
