-
-
-
-
काठमाडौं । प्रिसिजन फुटबलमा इंग्लिस क्लब लिभरपुलले सुखद अन्त्य गरेको छ । प्रिमियर लिग सुरुअघिको अन्तिम मैत्रिपूर्ण अन्तर्राष्ट्रिय खेलमा लिभरपुलले इटालियन क्लव टोरिनोलाई ३–१ ले हरायो ।
घरेलु मैदान एनफिल्डमा भएको खेलमा लिभरपुललाई जिताउन रोबर्टो फिर्मिनो, जर्जिन्हो विज्नल्डम र ड्यानियल स्टुरिजले गोल गरे ।
टोरिनोका एन्द्रिया बेलोट्टीले सान्त्वना गोल फर्काए ।
लिभरपुलले यसअघि प्रि–सिजनमा नापोली, म्यान्चेस्टर युनाइटेड र म्यान्चेस्टर सिटीलाई पराजित गरेको थियो । लिभरपुल प्रिसिजनमा अपराजित हुने पहिलो इंगलिस टिमसमेत बनेको छ ।
