विवादित खेल, २ खेलाडीलाई रातो कार्ड र पनि जित्यो चेल्सीले
प्रकाशित २०७४ माघ ४ बिहिबार
251
Shares
काठमाडौं । खेलमा जब विवाद हुन्छ तब त्यहाँ कार्डहरु उठ्छन् । फुटबलमा रातो कार्ड उठेपछि खेलाडी मैदान बाहिर ।
इंगलिस क्लव चेल्सीले सायदै सोचेको होला कि एकै खेलमा दुई खेलाडीले रातो कार्ड पाउँछन् ।
तर पायो । एफ ए कप फुटबलको तेस्रो चरणको खेलमा नर्विच सिटीसंगको तनावपुर्ण खेलमा चेल्सीका दुई खेलाडीले रातो कार्ड खाए ।
खेलको ५५ मिनेटमै मिखि बत्शुयाकीले गोल गर्दै चेल्सीलाई अग्रता दिलाए ।
खेल जित नजिक नै पुगेको थियो चेल्सी । तर इन्जुरी समयमा नर्विचका जमाल लेविसले गोल गर्दै बराबरीमा ल्याए ।
त्यसपछि थपिएको ३० मिनेटको खेल निकै विवादित रह्यो ।
पेड्रो रोड्रिग्वेजले रातो कार्ड खाए । त्यसपछि अल्भारो मोराटाले पनि रातो कार्ड खाए ।
१–१ को बराबरीमै खेलको समय सकिएपछि पेनाल्टी सुटआउटमा चेल्सी ५–३ ले विजयी भयो ।
तर दुई खेलाडी अर्को चरणमा खेल्न नपाउने भएपछि चेल्सी तनावमा आएको छ । अब चेल्सीले चौथो चरणमा २७ जनवरीमा न्युकासल युनाइटेडसंग खेल्दैछ ।
अन्य खेलहरुमा विजयी हुँदै स्वान्सी सिटी (वुल्भरह्याम्पटनलाई २–१ ले हरायो) र विगान एथलेटिक (बर्नमाउथलाई ३–० ले हरायो) पनि चौथो चरणमा पुगेका छन् ।
