बाजुरा । बाजुराका मुख्य निर्वाचन अधिकृतले सूचना लुकाएको खुल्नमा आएको छ । अगामी मंसिर १० र २१ गते प्रतिनिधि सभा प्रदेश सभा निर्वाचनको लागि निर्वाचन आयोगले मुख्य निर्वाचन अधिकृतको रुपमा खटाईएका जिल्ला न्यायधिस पुष्पराज थपलियाले सूचना लुकाएको बताईएको छ ।
कर्मचारी व्यवस्थापन निर्देशिका २०७४ को (१०) 'क' मा गोला प्रथा द्धारा मतदान अधिकृत र सहायक मतदान अधिकृत छनौट गर्नुपर्ने प्रावधान भएपनि मुख्य निर्वाचन अधिकृत थपलियाले भने सो प्रक्रियालाई बेवास्था गदै सचिवालयमा रहेका संगठनका कर्मचारी धन बहादुर बिष्ट,पुष्पराज जैशी र धर्मराज जोशीको समन्वय सहकार्यमा यस्तो गरिएको पाईएको छ ।
कर्मचारी खटनपटनमा मतदान अधिकृत र सहायक मतदान अधिकृत छनोट बिषयमा मुख्य निर्वाचन अधिकृतको कार्यालय बाजुरालाई एकलौटी कर्मचारी खटनपटन गरिएको भन्दै नेपाल कर्मचारी युनियन संघ र नेपाल शिक्षक संघ बाजुराले ज्ञापनपत्र बुझाएपछि निर्वाचन आयोगले दिएको निर्देशन अटर गदै मुख्य निर्वाचन अधिकृतको कार्यालय बाजुराले चिठ्ठी समेत लुकाएको बुझिएको छ ।
उता मुख्य निर्वाचन अधिकृत पुष्पराज थपलियालाई बारम्बार प्रक्रियाका बारेमा सोध्दा समेत सूचना नदिएर फर्काउने गरेका छन् । थपलियाले आफुलाई मंसिर २ गते निर्वाचन आयोगको चिठ्ठी आएको र कर्मचारी पठाउने तयारी गरिएकोले त्यस बिषयमा मुख्य निर्वाचन अधिकृतको कार्यालयलाई मात्र निर्देशन आएकाले आफुले जवाफ पठाएको बताएका छन् । उनले कुनै पनि सूचना नलुकाएको बताउदै आएका छन् ।
