पुनर्बास,कञ्चनपुर। सीमा क्षेत्रमा सुरक्षा ब्यबस्थामा सक्रियता बढाएको नेपाल प्रहरीको गस्ती टोलीले शुक्रबार पुनर्बासको कंकरबाट दुई थान भरुवा बन्दुक बरामद गरेको छ ।
प्रहरी चौकी बिचफाँटाको प्रहरीको टोलिले नियमित गस्तीको क्रममा नेपाल भारत सीमा स्तम्भ नम्बर १९७ देखि ५०० मिटर सुनसान क्षेत्रबाट बेवारिसे अबस्थामा भरुवा बन्दुक बरामद भएको प्रहरीले जनाएको छ ।
शान्तिसुरक्षा सुदृढ बनाउन प्रहरी सहायक निरिक्षक लोकेन्द्र ठगुन्नाको नेतृत्वमा परिचालित प्रहरीको टोलीले बेवारिसे अबस्थामा भेटिएको बन्दुक बरामद गरेको ईलाका प्रहरी कार्यालय त्रिभुवनबस्तीका प्रमुख प्रहरी निरीक्षक दलराम टमाटाले बताए ।
