दोस्रो चरणको निर्वाचनमा मधेस केन्द्रीत सबै दल भाग लिने
प्रकाशित २०७४ वैशाख १९ मंगलबार
1k
Shares
काठमाडौं । संघीय समाजवादी फोरमका अध्यक्ष उपेन्द्र यादवले दोस्रो चरणको निर्वाचनमा सबै मधेश केन्द्रीत दलहरुले निर्वाचनमा भाग लिने बताएका छन् ।
काठमाडौं महानगरपालिकाको मेयर र उपमेयरको उम्मेदवार दर्ता गराउन राष्ट्रिय सभागृह पुगेका यादवले संचाकर्मीसँग दोस्रो चरणको निर्वाचनमा मधेश केन्द्रित सबै दलले भाग लिने प्रष्ट्याए ।
यादवले मधेशी मोर्चामा आवद्ध दल र आफूहरुले नेतृत्व गरेको संघीय गठबन्धन मिलेर आफूहरुको अधिकार प्राप्तीको आन्दोलनलाई सफल बनाई छोडने घोषणा समेत गरे । मधेशी मोर्चा र संघीय गठबन्धनबीचको सहकार्य झनै बलियो भएर गएको पनि यादवको भनाई छ ।
