जगदुल्लामा हिलो सहितको बाढीले एक महिलाको मृत्यु, ६ जना घाइते [तस्बिरहरू]
हाम्रा कुरा
प्रकाशित २०८३ असार २१ आइतबार
427
Shares
तस्बिर – नेपाल फोटो लाइब्रेरी ।
डोल्पा । डोल्पाको जगदुल्ला गाउँपालिका–५, गैरीगाउँमा परेको अविरल वर्षापछि आएको हिलोसहितको बाढीमा परी एक महिलाको मृत्यु भएको छ भने ६ जना घाइते भएका छन् ।
आज बिहान करिब ३ बजे धुलाखोला तथा आसपासका खोल्सामा आएको हिलोमाटोसहितको बाढी गाउँमा पस्दा स्थानीय आनन्दी विक (अन्दाजी ५६ वर्ष) को घटनास्थलमै मृत्यु भएको हो।
बाढीमा परी ६ जना घाइते भएका छन्। घाइतेहरूको उद्धार तथा उपचारको व्यवस्था गरिएको छ भने प्रभावित क्षेत्रमा सुरक्षाकर्मी र स्थानीयवासी उद्धार तथा राहत कार्यमा जुटिरहेका छन्।
