काठमाडौँ । त्रिचन्द्र क्याम्पसमा विद्यार्थीहरूले प्रधानमन्त्री वालेन्द्र साह बालेनको राजीनामा मागेका छन् । उनीहरूले क्याम्पस हाताबाट बाहिर सडकमा निस्केर शुक्रबार बिहान बालेनले राष्ट्रियताबारे बोलेको भन्दै माफी माग्न माग गरेका हुन् ।
‘पीएमज्यू राष्ट्रियतामाथि प्रहार सहदैनौँ कदापि माफी माग’ भन्ने प्लेकार्ड बोकेर विरोध गरेका हुन् ।
प्लेकार्ड बोक्ने विद्यार्थीहरूले ‘यो लोकतन्त्र हो प्रधानमन्त्रीज्यू र्यसप र जोकतन्त्र होइन’ भनेका छन् ।
नेपाल विद्यार्थी संघले गरेको विरोध कार्यक्रममा राष्ट्रिय अखण्डताको पक्षमा एकजुट बन्न आग्रहसमेत गरिएको छ ।
केही दिनअघि संसद बैठकमा प्रधानमन्त्री बालेनले नेपालले पनि भारतको भूमि मिचेको प्रतिक्रिया दिएसँगै रास्वपा बाहेकका दलका नेता तथा कार्यकर्तासँगै स्वाभिमानी नेपालीले आक्रोश पोखिरहेका छन् ।
