बालेन सरकार गठनसँगै व्यापारमा आशा पलाएको सभामुख अर्यालको दाबी
हाम्रा कुरा
प्रकाशित २०८३ जेठ ४ सोमबार
421
Shares
काठमाडौँ। सभामुख डोलप्रसाद (डीपी) अर्यालले नयाँ सरकार गठनसँगै नीतिगत स्थिरता र निजी क्षेत्रमैत्री वातावरणप्रति आशा पलाएको बताएका छन् ।
नेपाल व्यापार शिखर सम्मेलनकाे उद्घाटन समारोह उनले लगानीकर्तामा देखिएको नयाँ उत्साहलाई दीर्घकालीन विश्वासमा रूपान्तरण गर्न सरकार नीतिगत स्थायित्व कायम गर्न प्रतिबद्ध हुनुपर्ने बताए ।
उनले भने, ‘नयाँ सरकारको आगमनसँगै नीतिगत स्थिरता र निजी क्षेत्र मैत्री वातावरण आशा पलाएको छ । यसले लगानीकर्ताहरूमा नयाँ उत्साह भर्नुका साथै उत्साहलाई दीर्घकालीन विश्वासमा बदल्न हामीले नीतिगत स्थिति कायम गर्न सक्नु पर्दछ ।’
सभामुख अर्यालले वर्तमान आर्थिक विकासको लक्ष्य हासिल गर्न परम्परागत कार्यशैली मात्र पर्याप्त नहुने भन्दै अब इनोभेसन र डिजिटलाइजेसनलाई प्राथमिकतामा राख्नुपर्ने धारणा व्यक्त गरे ।
‘अहिले लिएको आर्थिक विकासको लक्ष्य हासिल गर्न परम्परागत शैलीमात्र पर्याप्त हुँदैन। यसमा इनोभेसन र डिजिटलाइजेसनलाई मुख्य प्राथमिकता दिन सक्नुपर्दछ,’ उनले भने ।
उनका अनुसार नेपालको आगामी प्राथमिकता सूचना प्रविधि (आईटी) क्षेत्र हुनुपर्नेछ र यही क्षेत्र देशको आर्थिक रूपान्तरणको ‘गेम चेन्जर’ बन्न सक्ने सम्भावना रहेको छ ।
उनले भने, ‘अबको प्रथमिकता आईटी क्षेत्र नै हुनुपर्छ र नेपालका लागि आईटीनै गोम चेन्जर बन्न सक्छ । यस क्षेत्रलाई संस्थागत गर्न डिजिटल बिजनेस हब बनाउन र एआईमैत्री कानूनी पूर्वाधार निर्माण गर्न हामीले काम गरिरहेका छौँ ।’
