यसरी पुनःनिर्माण गरिँदैछ प्रधानमन्त्री तथा मन्त्रिपरिषद्को कार्यालय [फोटोफिचर]
हाम्रा कुरा
प्रकाशित २०८३ जेठ ४ सोमबार
371
Shares
तस्बिर – नेपाल फोटो लाइब्रेरी ।
काठमाडौँ । गत भदौ २३ र २४ गतेको जेन–जी प्रदर्शनका क्रममा आगजनी र तोडफोड गरिएको सिंहदरबारको पूर्व भागको पुनःनिर्माण कार्य शुरू गरिएको छ ।
प्रधानमन्त्री तथा मन्त्रिपरिषद्को कार्यालय रहेको सो भागमा रङ्गरोगन गर्ने, झ्याल ढोका परिवर्तन गर्ने, एसी जडान गर्ने काम भइरहेको छ । क्षति भएका भौतिक संरचनाको पुनर्निर्माणका लागि सरकारले स्थापना गरेको ‘भौतिक पूर्वाधार पुनःनिर्माण कोष’ अन्तर्गत हाल क्षति भएका विभिन्न संरचना पुनःनिर्माण कार्य शुरू गरिसकेको छ ।
आन्दोलनका क्रममा सो प्रधानमन्त्री तथा मन्त्रिपरिषद्को कार्यालय क्षति भएसँगै हाल प्रधानमन्त्री कार्यालय, गृह मन्त्रालयको नवनिर्मित भवनमा बस्दै आएको छ ।
आन्दोलनका क्रममा सिंहदरबारभित्र ठूलो क्षति भएको थियो । यसलाई पूर्णरूपले पुनःनिर्माण गर्न वर्षौँ लाग्न सक्छ ।
