हर्मुजमा अमेरिकी नाकाबन्दी तोड्न चिनियाँ ट्याङ्कर असफल
हाम्रा कुरा
प्रकाशित २०८३ वैशाख २ बुधबार
2.7k
Shares
वाशिंगटन डीसी । अमेरिकाले प्रतिबन्ध लगाएको ट्याङ्कर रिच स्टारी बुधबार फेरि हर्मुजमा अमेरिकी नाकाबन्दी तोड्न असफल भएको छ । ट्याङ्कर संयुक्त अरब इमिरेट्स (यूएई) को हमरिया बन्दरगाहबाट प्रस्थान गरेको थियो । लगभग २ लाख ५० ब्यारेल मिथानोल लोड गरेको उक्त ट्याङ्कर हर्मुजको जलमार्ग पार गर्ने प्रयास गरिरहेको थियो ।
तर हर्मुजको अगाडि अमेरिकी नाकाबन्दीका कारण फिर्ता जान बाध्य भयो । ट्याङ्करले पहिले मंगलबार हर्मुजको जलमार्ग पार गर्ने प्रयास गरेको थियो। रोयटर्सका अनुसार एक अमेरिकी अधिकारीले भने कि मंगलबार एक अमेरिकी युद्धपोतले ओमानको खाडीमा रहेको इरानको चाबहार बन्दरगाह छोड्न खोजिरहेका दुई तेल ट्याङ्करहरूलाई रोक्यो।
रिच स्टारी र यसको मूल कम्पनी, सांघाई जुआनरेन शिपिंगलाई अमेरिकाले २०२३ देखि प्रतिबन्ध लगाएको छ किनभने उनीहरू इरानसँग व्यापार गरिरहेका थिए ।
यता अमेरिकी कोष विभागले इरानी तेलको बिक्रीको लागि दिइएको अस्थायी छुट केही दिनमा समाप्त हुने र यसलाई विस्तार गरिने छैन भनी बताएको छ। त्यस्तै युरोपेली देशहरूले युद्धपछि हर्मुजको जलमार्गमा सामान्य ढुवानी पुनर्स्थापित गर्न ठूलो अन्तर्राष्ट्रिय गठबन्धनको योजना बनाइरहेको उल्लेख छ ।
अमेरिकी राष्ट्रपति डोनाल्ड ट्रम्पले भने आगामी २ दिनमा इरानसँग वार्ता पुनः शुरू हुन सक्ने बताएका छन्।
