कर्कट-२०८३

२०८३ साल कर्कट राशिका लागि मिश्रित फलदायी रहने संकेत देखिन्छ। वर्षको शुरूआतमा वृहस्पतिको शुभ प्रभावले आत्मविश्वास बढ्ने, नयाँ योजना बनाउने तथा कार्यक्षेत्रमा उत्साह जाग्नेछ। व्यापार, सेवा क्षेत्र, वित्तीय कामकाज तथा सामाजिक प्रतिष्ठा वृद्धिमा सकारात्मक परिणाम देखिन्छ। तर केतुको प्रभावले कहिलेकाहीँ निर्णयमा द्वन्द्व र अस्थिरता आउन सक्छ।

बौद्धिक र सृजनात्मक काममा सफलता प्रबल रहनेछ। ठेक्का-कारोबार, यातायात, वित्तीय क्षेत्र र रियल स्टेट व्यवसायीहरूले लाभ प्राप्त गर्नेछन्। तर आफन्त वा साथीभाइबाट धोका हुन सक्ने भएकाले सतर्क रहनु आवश्यक छ। स्वास्थ्यमा सामान्य कमजोरी देखिन सक्ने भएकाले नियमित व्यायाम र सन्तुलित भोजन गर्नु लाभदायी हुनेछ।

वर्षको मध्यतिर शनिको प्रभावले मेहनत धेरै गर्नुपर्ने तर परिणाम ढिलो प्राप्त हुने अवस्था सिर्जना गर्न सक्छ। कार्यक्षेत्रमा दबाब बढ्ने, खर्च बढ्ने र दाजुभाइ वा परिवारसँग साना विवाद आउन सक्छन्। यस समयमा धैर्य, संयम र सोच-विचारपूर्ण निर्णय अत्यावश्यक हुनेछ।

राहुको लाभ भाव सक्रिय हुँदा वर्षको उत्तरार्धमा आम्दानीका नयाँ स्रोत खुल्ने, व्यापार वा पेशागत क्षेत्रमा विस्तार हुने तथा अधुरा काम सम्पन्न हुने योग बन्नेछ। सामाजिक प्रतिष्ठा बढ्ने, नयाँ सम्बन्ध स्थापित हुने र वैदेशिक अवसरहरू प्राप्त हुने सम्भावना पनि प्रबल देखिन्छ। असारपछि स्थिति क्रमशः सुधार हुँदै जानेछ।

यो वर्ष तुलनात्मक रूपमा वैशाख, असार, कार्तिक र फागुन महिनाहरू शुभ देखिन्छन् भने जेठ, साउन र मङ्सिर चुनौतीपूर्ण रहनेछन्।

२०८३ को

वैशाखः नयाँ अवसर र उत्साह। व्यापार, जागिर वा अध्ययन क्षेत्रमा प्रारम्भ राम्रो रहनेछ। सकारात्मक ऊर्जा सक्रिय रहन्छ।
जेठः मानसिक तनाव र खर्च वृद्धि। परिवार र कार्यक्षेत्रमा सानो दबाब आउन सक्छ। धैर्य र संयमता आवश्यक छ।
असारः लाभ र प्रगति। अधुरा काम पूरा हुने, आम्दानी बढ्ने र सामाजिक प्रतिष्ठा वृद्धिको योग छ।
साउनः विवाद र असन्तोष। पारिवारिक वा कार्यक्षेत्रमा मतभेद देखिन सक्छ। संयम अपनाउनु महत्वपूर्ण।
भदौः सामान्य प्रगति। साना सफलताहरू हासिल हुनेछन्।
असोजः उपलब्धि र सफलता। व्यवसाय र जागिरमा प्रगति हुनेछ।
कार्तिकः धन लाभ र प्रतिष्ठा। नयाँ सम्पर्क र अवसर खुल्ने सम्भावना छ।
मङ्सिरः स्वास्थ्यमा समस्या। नियमित व्यायाम र आहारमा ध्यान दिनु आवश्यक।
पुसः मिश्रित फल। लाभ र चुनौती दुवै देखिनेछ।
माघः आम्दानी वृद्धि। आर्थिक क्षेत्रमा लाभ प्रबल रहनेछ।
फागुनः खुशी र सफलता। परिवार र सामाजिक जीवनमा सन्तुलन मिल्नेछ।
चैतः खर्च वृद्धि तर उपलब्धि। योजनाबद्ध खर्च गर्नु लाभदायी हुनेछ।

जागिर/करियर

यो वर्ष कर्कट राशिका लागि करियरमा परिवर्तन र नयाँ अवसर प्राप्त हुने वर्ष हुनेछ। बैंकिङ, वित्त, प्रशासन, सेवा र स्वास्थ्य क्षेत्रमा संलग्न व्यक्तिहरूले विशेष लाभ पाउनेछन्। नयाँ जिम्मेवारी, पदोन्नति वा जिम्मेवारी बढ्ने सम्भावना छ। प्रतिस्पर्धा भए पनि बुद्धिमत्ता र योजना क्षमताले सफलता दिलाउनेछ।

आर्थिक

आर्थिक पक्ष मध्यम देखिन्छ। प्रारम्भमा आम्दानी राम्रो रहने, तर बीचतिर खर्च वृद्धि हुन सक्छ। नयाँ स्रोतबाट आय प्राप्त हुने सम्भावना छ। जोखिमपूर्ण लगानी गर्दा सावधानी अपनाउनु पर्छ।

अध्ययन

विद्यार्थीहरूका लागि यो वर्ष अध्ययन र प्रतिस्पर्धामा सफलता दिने योग छ। ध्यान र मेहनतले परिणाम सकारात्मक रहनेछ। वैदेशिक अध्ययनका अवसर पनि प्राप्त हुन सक्छ।

पारिवारिक जीवन

पारिवारिक जीवन मिश्रित रहनेछ। समझदारी कायम रहनु राम्रो हुनेछ, तर साना विवाद आउन सक्छ। दाजुभाइ र सन्तानसँग सम्बन्धमा उतारचढाव देखिन सक्छ।

प्रेम सम्बन्ध

प्रेम सम्बन्धको प्रारम्भ राम्रो रहनेछ। नयाँ सम्बन्ध स्थापन हुने र पुराना सम्बन्ध सुदृढ हुने संकेत छ। तर प्रेमीसँग संवादमा ध्यान नदिँदा तनाव आउन सक्छ।

स्वास्थ्य

स्वास्थ्य सामान्य देखिन्छ। पाचन, स्नायु र मानसिक तनावमा ध्यान दिनु पर्छ। नियमित व्यायाम, ध्यान र सन्तुलित आहार आवश्यक छ। भगवान विष्णुको आराधना र “ॐ नमो भगवते वासुदेवाय” मन्त्र जप लाभदायी हुनेछ।

प्रतिकूल महिनाः जेठ, साउन, मङ्सिर।

अनुकूल महिनाः वैशाख, असार, कार्तिक, फागुन।

शुभ रंगः नीलो, सेतो, हल्का हरियो।

शुभ अंकः २, ४, ८।

शुभ बारः सोमबार, बिहीबार, शुक्रबार।

उपायः
बुध ग्रहको शान्तिका लागि गणेशजीको पूजा, बुधबार व्रत, नीलो वा हरियो वस्त्र दान गर्नु लाभदायी।

विद्यार्थी र पेशागत क्षेत्रमा सफलता प्राप्त गर्न “ॐ बुं बुधाय नमः” मन्त्र जप गर्नु उपयुक्त।

तुलसीको पूजा तथा गरीबलाई हरियो वस्तु, दाल वा सागसब्जी दान गर्दा शुभ फल प्राप्त हुनेछ।