देश हाम्रो, जनता हाम्रो, भरोसा हाम्रो
आजको काम, भोलिको इतिहास
सबै तिमीमा निर्भर छ, नयाँ सरकार
उज्यालो देखाऊ, विश्वास बचाऊ
र देशलाई त्यही बनाऊ जुन हामीले सधैं चाहेका छौँ ।
सपना बोकेको जनताको आँखामा चम्किलो ज्योति छ
साँचो नेतृत्व, इमान्दारीको प्रकाश खोजिरहेको छ
गल्तीको अँध्यारोले ढाक्न सक्दैन हाम्रो आशा
सत्य र मेहनतको बाटोले मात्र उज्यालो हुन्छ हाम्रो कथा ।
शिक्षा, स्वास्थ्य, रोजगारी—सबैमा पारदर्शिता चाहियो
जनताको पीडा बुझ, जनताको आवाज सुन्नु पर्छ
छोटो निर्णयले होइन, ठूलो जिम्मेवारीले काम गर्नु पर्छ,
हाम्रो भविष्यको बीउ आज तिमीले रोप्नु पर्छ ।
जनताको आशा मात्र होइन, हाम्रो पीडा पनि सुन
हिजोका गल्तीलाई सुधार, आजको भरोसा बचाउनुनै छ
छोटो सोचले होइन, ठूलो मनले निर्णय गर्नुपर्छ
देशको भवितव्य यही पानामा लेखिनुपर्छ ।
अब तिमीले देखाउनु पर्छ—के तिमी नेतृत्त्व गर्छौ
के तिमी जनताको सेवा गर्छौ
के तिमी देशलाई उठाउँछौ
यो निर्णयले भोलि बनाउनेछ हाम्रो भविष्य
र हाम्रो विश्वासको मूल्य तिमीले बचाउनुपर्छ ।
सुन, हाम्रो सन्देश केवल शब्द होइन
यो हाम्रो हृदयको धडकन हो, हाम्रो आशाको स्वर हो
सपना केवल देखाइने होइन, कार्यले पूर्ण हुने हो
सपना बोकेको आँखामा, मेहनतको बाटोमा
सत्यको मूल्यमा, इमान्दारीको प्रकाशमा
यो देश अझ बलियो, अझ उज्यालो बन्न सक्छ
अब तिमीले निर्णय गर्नुपर्ने समय आएको
अँध्यारो छोड, उज्यालो छान
र इतिहासलाई गौरवान्वित बनाऊ ।
