पोखरा । नेपाली कांग्रेसले फागुन १५ गते शुक्रबार पोखरामा चुनावी सभा गर्ने भएको छ ।
नेपाली कांग्रेस कास्कीका सभापति किशोरदक्त बरालको अध्यक्षतामा बसेको बैठकले सभाको तयारी अघि बढाउने निर्णय गर्दै चुनावी सभा व्यवस्थापन समिति गठन गरेको छ ।
सभालाई नेपाली कांग्रेसका सभापति गगन थापा र उपसभापति विश्व प्रकाश शर्माले सम्बोधन गर्नेछन्।
कार्यक्रमका लागि नेपाली कांग्रेसका महासमिति सदस्य दीपक गुरुङ माइलाको संयोजकत्वमा गठित समितिको सदस्यमा माया बराल क्षेत्री, दुर्गा लामिछाने, मदन बस्नेत, पुजन थकाली, विजय गुरुङ र मेख तामाङ छन् ।
प्रतिनिधि सभा सदस्य निर्वाचनका लागि कास्कीका तीनमध्ये क्षेत्र नं १ मा तिलक रानाभाट, क्षेत्र नं २ मा माधव प्रसाद बास्तोला मधु र क्षेत्र नं ३ मा मनोज गुरुङ र समानुपातिकतर्फ आईबहादुर गुरुङ उम्मेद्वार छन् ।
