एनआईसी एशिया बैङ्कद्वारा ६.९९ प्रतिशत स्थिर ब्याजदरमा १० करोडसम्मको ‘एनआईसी एशिया साथी घर कर्जा’ योजना सार्वजनिक
हाम्रा कुरा
प्रकाशित २०८२ फागुन १ शुक्रबार
607
Shares
काठमाडौँ। एन आई सी एशिया बैङ्कले ग्राहकहरूको आवश्यकतालाई हर सम्भव पूरा गर्नका लागि रु. १० करोडसम्म घर कर्जा प्रदान गर्ने उद्देश्य अनुरूप ‘एन आई सी एशिया साथी घर कर्जा’ योजना सार्वजनिक गरेको छ। बैङ्कले सार्वजनिक गरेको यस घर कर्जा योजना अन्तर्गत ७ वर्षको लागि ६.९९ प्रतिशत स्थिर ब्याजदर एवं अन्य आकर्षक सेवा सहित उपलब्ध हुनेछ।
न्यूनतम रु. २५ लाखदेखि अधिकतम रु.१० करोडसम्म प्रदान गरिने यस एन आई सी एशिया साथी घर कर्जा अन्तर्गत घर तथा अपार्टमेन्ट खरिद गर्न, घर निर्माण तथा पुनः निर्माण गर्न एवं घडेरी खरिद गर्नका लागि सहज कर्जा प्रक्रियाबाट प्रदान गरिने यो कर्जाको अवधि अधिकतम २५ वर्ष रहेको छ।
घर खरिद तथा निर्माण गर्ने ग्राहकहरूको सपना साकार पार्न ठोस टेवा पुर्याउने उद्देश्यले बैङ्कले ल्याएको यस कर्जा योजना अन्तर्गत पहिलो पटक घर खरिद वा निर्माण गर्ने ग्राहकको हकमा कर्जा र सोको धितो सुरक्षणको अनुपात अधिकतम ८० प्रतिशत र अन्यको हकमा अधिकतम ७० प्रतिशत कायम गरिएको छ। साथै, यस योजना अन्तर्गत घर कर्जा लिने ग्राहकहरूले लाइफ टाइम निःशुल्क क्रेडिट कार्ड सेवा प्राप्त गर्न सक्ने जनाएको छ।
