पत्रकार सिटौलाको दाहसंस्कार, पशुपति पुगे बालेन [तस्बिर]
हाम्रा कुरा
प्रकाशित २०८२ माघ १८ आइतबार
1.3k
Shares
काठमाडौँ । पत्रकार दिनेश सिटौलाको पशुपति आर्यघाटमा दाहसंस्कार भएको छ । उनको निधनमा श्रद्धाञ्जली दिन कलाकारहरू, संचारकर्मीहरूका साथै राष्ट्रिय स्वतन्त्र पाटीका वरिष्ठ नेता वालेन्द्र साह बालेनसँगै रास्वपाका नेता कार्यकर्ता तथा उज्यालो नेपाल पार्टीका कुलमान घिसिङ पनि पशुपति पुगेका थिए ।
उपचारका क्रममा निधन भएका पत्रकार सिटौलाको शव अन्तिम श्रद्धाञ्जलीका लागि केही समय चलचित्र विकास बोर्डमा पनि राखिएको थियो । उनको ग्राण्डी अस्पतालमा उपचारका क्रममा निधन भएको थियो ।
अस्पतालले ४५ वर्षीय सिटौलाको ब्रेन ह्यामरेजका कारण निधन भएको बताएको छ । उनी बालेनको चुनावी प्रचारमा हिँडेका बेला बिमार भएका थिए ।
ग्राण्डी अस्पतालले आइतबार विज्ञप्ति जारी गरी आइतबार दिउँसो १२:४५ बजे उपचारका क्रममा निधन भएको जानकारी दिएको थियो ।
अछाममा बालेनको चुनावी प्रचारमा सहभागी भइरहेका बेला एक्कासी बेहोश भएका थिए । त्यसपछि उनलाई सेनाको हेलिकप्टरमार्फत तत्काल काठमाडौँ ल्याई ग्राण्डी अस्पताल भर्ना गरिएको थियो।
उनी चलचित्र पत्रकार संघ नेपालका निवर्तमान अध्यक्षसमेत थिए ।
