मौसममा कुनै उल्लेखनीय प्रणाली छैन, हिमाली भेगमा मात्र सामान्य बदली
हाम्रा कुरा
प्रकाशित २०८२ पुष ३ बिहिबार
719
Shares
काठमाडौँ । मौसम पूर्वानुमान महाशाखाका अनुसार हाल नेपालमा कुनै पनि उल्लेखनीय मौसम प्रणाली सक्रिय नरहेकाले देशभरिको मौसम मुख्यतया सफा रहने देखिएको छ।
आज दिउँसोको मौसमबारे जानकारी दिँदै महाशाखाले कर्णाली र सुदूरपश्चिम प्रदेश लगायत अन्य हिमाली भू-भागमा आंशिक बदली (थोरै बादल लाग्ने) हुने सम्भावना रहेको जनाएको छ। यद्यपि, देशका बाँकी भू-भागमा भने घाम लाग्ने र मौसम सफा रहनेछ।
महाशाखाका अनुसार आज राति पनि देशभरको मौसममा खासै परिवर्तन आउने छैन र मौसम मुख्यतया सफा नै रहनेछ। हिउँदको समय भएकाले वर्षा वा हिमपातको तत्काल कुनै सम्भावना नरहेको मौसमविद्हरूको भनाइ छ।
मौसम सफा रहे पनि बिहान र बेलुकाको समयमा चिसो बढ्न सक्ने हुनाले आवश्यक सतर्कता अपनाउन महाशाखाले आग्रह गरेको छ।
