अफ्रिकाको हवाई यात्रु आवागमन बारे बोइङको प्रक्षेपण
हाम्रा कुरा
प्रकाशित २०८२ मंसिर १७ बुधबार
1.9k
Shares
काठमाडौं। अमेरिकी विमान निर्माता बोइङले अफ्रिकाको हवाई यात्रु आवागमन सन् २०४४ सम्म प्रति वर्ष औसत ६ प्रतिशतले बढ्ने अनुमान गरेको छ। यो वृद्धिको मुख्य कारण त्यहाँको युवाशक्ति, बढ्दो मध्यम वर्ग र छिटो शहरीकरणलाई मानिएको छ।
बोइङको सन् २०२५ का लागि तयार गरिएको अफ्रिका क्षेत्रको व्यावसायिक बजार दृष्टिकोण अनुसार, यात्रुको माग पूरा गर्न आगामी २० वर्षमा अफ्रिकाको व्यावसायिक विमान सङ्ख्या दोब्बर हुँदै करिब १ हजार ६८० पुग्नेछ। सो अवधिमा करिब १ हजार २०० नयाँ विमान आवश्यक पर्ने अनुमान गरिएको छ, जसमध्ये करिब ७० प्रतिशत एकै प्रकारका विमान रहनेछन्। यी विमानले घरेलु तथा छोटो दूरीका अन्तर्राष्ट्रिय उडान विस्तारमा सहयोग पुर्याउनेछन्।
बोइङका मध्यपूर्व तथा अफ्रिका क्षेत्रका व्यावसायिक बजार निर्देशन प्रमुख शाहाब मातिनका अनुसार, “हवाई यातायात अफ्रिकाको आर्थिक वृद्धि तथा भित्री क्षेत्रीय विस्तारको प्रमुख प्रेरक बनिरहेको छ।”
विमान बेडा वृद्धि र सञ्चालन क्षमता सुनिश्चित गर्नका लागि अफ्रिकी हवाई सेवा प्रदायकलाई जनशक्ति तथा हवाई पूर्वाधारमा ठूलो लगानीको आवश्यकता पर्ने बोइङले जनाएको छ। आगामी २० वर्षमा अफ्रिकामा करिब ७४ हजार नयाँ पाइलट, प्राविधिक तथा केबिन कर्मचारी आवश्यक पर्ने अनुमान छ। यसैगरी, सो अवधिमा करिब १३० अर्ब अमेरिकी डलर बराबरको सेवा माग पनि रहने बोइङले बताएको छ।
