अमेरिका र युक्रेनले गरे जेनेभा वार्तामा 'परिष्कृत शान्ति ढाँचा' को मस्यौदा तयार
हाम्रा कुरा
प्रकाशित २०८२ मंसिर ९ मंगलबार
1.9k
Shares
काठमाडौँ। ह्वाइट हाउसले स्विट्जरल्याण्डको जेनेभामा भएको वार्ताका क्रममा संयुक्त राज्य अमेरिका र युक्रेनले अपडेट गरिएको र परिष्कृत शान्ति ढाँचाको मस्यौदा तयार पारेको जनाएको छ।
ह्वाइट हाउसद्वारा जारी संयुक्त विज्ञप्तिअनुसार, आगामी दिनहरूमा संयुक्त प्रस्तावहरूमा काम जारी राख्न दुवै पक्ष सहमत भएका छन्। यस ढाँचा अन्तर्गत अन्तिम निर्णय युक्रेन र संयुक्त राज्य अमेरिकाका राष्ट्रपतिहरूले गर्नेछन्।
विज्ञप्तिमा युक्रेनले संयुक्त राज्य अमेरिका र अमेरिकी राष्ट्रपति डोनाल्ड ट्रम्पप्रति कृतज्ञता व्यक्त गरेको पनि उल्लेख छ। यसअघि राष्ट्रपति ट्रम्पले सामाजिक सञ्जाल पोस्टमा युक्रेनमाथि आलोचना गर्दै आफ्ना नेताहरूलाई कृतज्ञ नभएको आरोप लगाएका थिए।
जेनेभामा संयुक्त राज्य अमेरिका, युक्रेन र युरोपेली देशका प्रतिनिधिहरूबीच भएको भेटमा ह्वाइट हाउसले युक्रेन संकट अन्त्य गर्न २८–बुँदे योजनामा सम्झौताको लागि जोड दिएको थियो।
