नितिश कुमार दशौँपटक बने बिहारका मुख्यमन्त्री, को को समेटिए ?
हाम्रा कुरा
प्रकाशित २०८२ मंसिर ४ बिहिबार
875
Shares
तस्बिर : नरेन्द्र मोदीको एक्सबाट ।
पटना । नितिश कुमार दशौँ पटक बिहारका मुख्यमन्त्री भएका छन् । उनले बिहीबार मुख्यमन्त्रीको रूपमा शपथ लिएका छन् । नितिश सन् २००५ मा पहिलो पटक मुख्यमन्त्री भएका थिए ।
पटनाको गान्धी मैदानमा आयोजित शपथ ग्रहण समारोहमा प्रधानमन्त्री नरेन्द्र मोदी, गृहमन्त्री अमित शाह र धेरै राज्यका मुख्यमन्त्रीहरू उपस्थित रहेका थिए ।
सम्राट चौधरी र विजयकुमार सिन्हाका साथै विजयकुमार चौधरी, मंगल पाण्डे, श्रवण कुमार र लेशी सिंह सहित २६ जना मन्त्रीले मन्त्रीको रूपमा शपथ लिए।
२६ मन्त्रीहरूमध्ये तीन महिला र एक मुस्लिम विधायक हुन्। महिला विधायकहरूमध्ये लेशी सिंह जनता दल (संयुक्त)की विधायक हुन्। रमा निषाद र श्रेयसी सिंह भाजपाका विधायक हुन्।
एक मात्र मुस्लिम मन्त्री, मोहम्मद जमा खान, जनता दल (संयुक्त) का विधायक हुन्। उनले चैनपुर विधानसभा सिट जिते।
बुधबार विधानसभाको सेन्ट्रल हलमा २०२ एनडीए विधायकहरूको बैठकमा नितिश कुमारलाई सर्वसम्मतिले एनडीएको नेता चयन गरिएको थियो।
जेडीयूले छुट्टै बैठकमा नितिश कुमारलाई आफ्नो व्यवस्थापिका दलको नेताको रूपमा पनि चयन गरेको थियो।
बुधबार नवनिर्वाचित भारतीय जनता पार्टी (भाजपा) विधायकहरूको बैठकमा, उत्तर प्रदेशका उपमुख्यमन्त्री तथा पार्टीका केन्द्रीय पर्यवेक्षक केशव प्रसाद मौर्यले सम्राट चौधरीलाई भाजपा व्यवस्थापिका दलको नेता र विजय कुमार सिन्हालाई उपनेताको रूपमा पुन: निर्वाचित गरिएको घोषणा गरेका थिए ।
बिहार विधानसभा चुनावमा गत हप्ता एनडीए भारी जितका साथ सत्तामा फर्किएको हो । एनडीएले २४३ मध्ये २०२ सिट जित्यो। भाजपाले ८९, जेडीयूले ८५, एलजेपी (आरभी) ले १९, हिन्दुस्तानी अवम मोर्चाले ५ र आरएलएमले ४ सिट जित्यो।
कुन दलबाट को को मन्त्री ?
भाजपाबाट–
सम्राट चौधरी
विजय कुमार सिन्हा
दिलीप जैसवाल
मंगल पाण्डे
रामकृपाल यादव
नितिन नवीन
सञ्जय सिंह टाइगर
अरुण शंकर प्रसाद
सुरेन्द्र मेहता
नारायण प्रसाद
रमा निषाद
लखेन्द्र सिंह रोशन
श्रेयसी सिंह
प्रमोद कुमार
जनता दल युनाइटेड
विजयकुमार चौधरी
बिजेन्द्र प्रसाद यादव
श्रवण कुमार
अशोक चौधरी
लेशी सिंह
मदन साहनी
सुनिल कुमार
मोहम्मद जमा खान
