जेनजी आन्दोलनले क्षतिग्रस्त भन्सारबाट २७ अर्ब ७५ करोड राजस्व सङ्कलन
हाम्रा कुरा
प्रकाशित २०८२ कार्तिक २० बिहिबार
1k
Shares
रुपन्देही। भैरहवा भन्सार कार्यालयले चालु आर्थिक वर्षको प्रथम तीन महिना (साउन, भदौ र असोज) मा रु २७ अर्ब ७५ करोड ५३ लाख ७८ हजार राजस्व सङ्कलन गरेको छ।
भन्सार अधिकृत सन्तोषकुमार न्यौपानेका अनुसार गत साउनमा रु नौ अर्ब दुई करोड ९४ लाख ३४ हजार, भदौमा रु नौ अर्ब ७० करोड ६३ लाख नौ हजार र असोजमा रु नौ अर्ब २८ करोड ६७ लाख २० हजार राजस्व सङ्कलन भएको थियो।
उल्लेखनीय छ, जेनजी आन्दोलनमा आगजनी र तोडफोडबाट क्षतिग्रस्त भएको यस भन्सार कार्यालयले केही समयसम्म त्रिपालमुनिबाट सेवा प्रवाह गर्नुपरेको थियो।
