काठमाडौँ । तिहारदेखि लगातार घटेको सुनको भाउ शुक्रबार बढेको छ । शुक्रबार एकै दिनमा तोलामा दुई हजार सात सय रुपैयाँले बढेको हो ।
मूल्य बढेसँगै शुक्रबार छापावाला सुनको भाउ प्रतितोला दुईलाख ३९ हजार रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ ।
यसअघि बिहीबार सुनको भाउ प्रतितोला दुई लाख ३६ हजार तीन सय रुपैयाँ रहेको थियो । सुनको भाउ गत असोज ३१ गते हालसम्मकै उच्च प्रतितोला दुई लाख ५८ हजार कायम भएको थियो ।
यस्ता, शुक्रबार चाँदीको मूल्य पनि प्रतितोला ८० रुपैयाँले बढेको छ । बिहीबार प्रतितोला दुई हजार नौ सय ८० रुपैयाँ कायम भएको चाँदी आज तीन हजार ६० रुपैयाँमा कारोबार भइरहेको छ ।
चाँदीको भाउ हालसम्मकै सबैभन्दा धेरै गत असोज ३१ मा तीन हजार तीन सय ५० रुपैयाँ पुगेको थियो ।
