-
-
-
-
जनकपुर । हिन्दू धर्मावलम्वीको पर्व दीपावली मनाउन जनकपुरधाममा भव्य तयारी गरिएको छ ।
धनधान्यकी देवी लक्ष्मीको पूजा तथा आराधना गरी दीपावली मनाउन भव्य तयारी गरिएको हो ।
दीपावलीलाई मध्यनजर गरी जनकपुुरधामलाई बेहुलीझैँ सजाइएको छ ।
जनकपुरधाम बजारमा चहल पहलसमेत बढेको छ ।
केराको बोट, हरियो पात र फूलमालाले सुनरपट्टीलगायतका क्षेत्र झकिझकाउ पारिँदैछ ।
मिष्ठान भण्डारहरुमा प्रसादका लागि मिष्ठान किन्नेको भीड लागेको छ ।
दीपावली सामान्य व्यक्ति भन्दा पनि उद्योगी व्यवसायीले विशेष तमझामका साथ मनाइरहेको देखिएको छ ।
व्यापारीहरू आआफ्ना व्यापारिक प्रतिष्ठानलाई सजाएका छन् ।
यता जनकपुरधाम उपमहानगरपालिकाले पनि दीपवालीको पूर्वसन्ध्यामा नगर सरसफाई गरेको थियो ।
विद्युतीय पोलमा नयाँ बल्वसमेत जडान गरिएको हो ।
