‘मुलुकमा सशक्त राजा र प्रत्यक्ष निर्वाचित कार्यकारी प्रधानमन्त्री आवश्यक’
हाम्रा कुरा
प्रकाशित २०८२ असोज २३ बिहिबार
4.3k
Shares
हेटौँडा । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले देशमा राष्ट्रपतिको ठाउँमा सशक्त राजा र प्रत्यक्ष निर्वाचित कार्यकारी प्रधानमन्त्रीको व्यवस्था गर्नुपर्ने आवश्यकता रहेको बताएका छन् ।
राप्रपाले मकवानपुरमा आयोजना गरेको भेटघाट तथा अगुवा कार्यकर्ता कार्यक्रममा लिङ्देनले यस्तो दृष्टिकोण प्रस्तुत गरेका हुन् ।
अध्यक्ष लिङ्देनले लोकतन्त्रको प्रवृत्तिका रूपमा राजा र कार्यकारी प्रधानमन्त्रीको समावेशी व्यवस्था महत्वपूर्ण रहेको दाबी गरे ।
राष्ट्रपतिको भूमिका तटस्थ रहनुपर्ने भन्दै उनले देशलाई समृद्धि र प्रजातान्त्रिक दृष्टिकोणबाट अघि बढाउन प्रत्यक्ष निर्वाचित कार्यकारी प्रधानमन्त्री र सशक्त राजा प्रणाली आवश्यक छ ।
उनले देशको राजनीतिक अवस्थाको समीक्षा गर्दै वर्तमान प्रणालीमा सुधार ल्याउनको लागि यस्तो व्यवस्था आवश्यक रहेकोमा जोड दिए ।
उनले राप्रपाका अगुवा कार्यकर्ताले पनि यस विचारमा सहमति जनाएको भन्दै भविष्यमा यस विषयमा थप छलफल र अभियान चलाउने तयारी गरिएको जानकारी दिए ।
कार्यक्रममा विभिन्न विचार-विमर्शपछि पार्टीको आगामी रणनीति तय गर्नका लागि कार्यकर्ता एवं नेताहरूबीच अन्य महत्वपूर्ण बिषयमा पनि चर्चा भएको थियो ।
