-
-
-
-
चितवन । मुग्लिन-नारायणगढ सडक खण्डमा एकतर्फी रुपमा यातायात सञ्चालन भएको छ ।
उक्त खण्डको तुइनखोला क्षेत्रमा शनिबार आएको पहिरो हटाउन थालेसँगै एकतर्फी यातायात सञ्चालन गरिएको सड्क विभागले जनाएको छ ।
उक्त खण्डमा पहिरो हटाउने काम चलिरहेको हुँदा सडकमा एकतर्फी यातायात सञ्चालन भइरहेको विभागका प्रवक्ता प्रभातकुमार झाले जानकारी दिए ।
उनका अनुसार तीनवटा भारी उपकरणहरूले पहिरो हटाउन सक्रिय रूपमा काम गरिरहेका छन् र चाँडै नै सडक पूर्ण रूपमा सञ्चालनमा ल्याउने योजना छ ।
सडकको अन्य सबै खण्ड खुला रहेको उनले जनाए । यात्रीहरूलाई तुइनखोला नजिक सतर्क रहन र ट्राफिक निर्देशन पालन गर्न अनुरोध गरिएको छ ।
