आज कोशी प्रदेशमा भारी वर्षाको सम्भावना, देशभर बदली
हाम्रा कुरा
प्रकाशित २०८२ भदौ १७ मंगलबार
715
Shares
काठमाडौं । मौसम पूर्वानुमान महाशाखाका अनुसार, आज दिउँसो देशभरको मौसम साधारणतया बदली रहनेछ।
सबै प्रदेशका केही स्थानहरूमा मध्यम वर्षाको सम्भावना रहेको छ। विशेष गरी, कोशी प्रदेशका एक-दुई स्थानमा भारी वर्षाको सम्भावना रहेको विभागले जनाएको छ।
आज राति पनि देशभरको मौसम साधारणतया बदली रहनेछ। कोशी, बागमती, गण्डकी, लुम्बिनी र सुदूरपश्चिम प्रदेशका केही स्थानमा तथा बाँकी प्रदेशका थोरै स्थानहरूमा मध्यम वर्षा हुने सम्भावना छ।
यसका साथै, गण्डकी, लुम्बिनी र सुदूरपश्चिम प्रदेशका एक-दुई स्थानमा भारी वर्षाको पनि सम्भावना रहेको छ।
