जम्मू कश्मीरको किश्तवारमा अचानक भएको भारी वर्षाले कम्तीमा ४२ को मृत्यु, दुई सय भन्दा बढी बेपत्ता
हाम्रा कुरा
प्रकाशित २०८२ साउन २९ बिहिबार
1.5k
Shares
तस्बिर – अति वृष्टिपछि चाशोती गाउँ ।
जम्मू–कश्मीर । भारतको जम्मू–कश्मीरको किश्तवारको चाशोती गाउँमा बिहीबार दिउँसो अचानक भएको भारी वर्षाले कम्तीमा ४२ जनाको मृत्यु भएको छ । दिउँसो साढे १२ बजे भएको उक्त भारती वर्षाले पहाडबाट आएको पानी र भग्नावशेषमा धेरै मानिसहरू फसेका थिए ।
सो घटनामा परी हालसम्म ४२ जनाको मृत्यु भएको छ। २०० भन्दा बढी मानिसहरू बेपत्ता छन् । अहिलेसम्म ६५ जनालाई उद्धार गरिएको छ।
माचैल माता यात्राका लागि हजारौं भक्तजन किश्तवारको पद्दार उप डिभिजनको चाशोती गाउँ पुगेको बेला दुर्घटना भएको थियो । यो यात्राको पहिलो गन्तव्य हो। यात्रा शुरू हुने ठाउँमा एकाएक अति वृष्टि हुँदा त्यहाँ रहेका बस, पाल, लङ्गर र भक्तजनहरूको धेरै पसलहरू सबै बाढीको पानीमा बगे ।
सो स्थल चशोती किश्तवार सहरबाट लगभग ९० किलोमिटर टाढा छ र मचैल माता मन्दिर जाने बाटोमा पहिलो गाउँ हो । यो ठाउँ पद्दर उपत्यकामा छ, जुन १४.१५ किलोमिटर भित्र छ।
यस क्षेत्रका पहाडहरू १,८१८ मिटरदेखि ३,८८८ मिटरसम्म उचाइमा छन् । यति उचाइमा हिमनदीहरू छन् जसले पानीको प्रवाहलाई तीव्र बनाउँछ।
मचैल माता तीर्थयात्रा हरेक वर्ष अगस्टमा हुन्छ। हजारौं भक्तहरू यसमा आउँछन् । यो २५ जुलाई देखि ५ सेप्टेम्बर सम्म चल्नेछ । यो मार्ग जम्मू देखि किश्तवार सम्म २१० किलोमिटर लामो छ र यसमा, पद्दरदेखि चशोती सम्मको १९.५ किलोमिटर सडकमा सवारी साधनहरू जान सक्छन् ।
