ललितपुर । ललितपुरको खोकनामा नेवार समुदायको परम्परागत ‘दे पुखु जात्रा’ अन्तर्गत पोखरीमा जीवित बाख्रा फाली तानेर निकाल्ने प्रतिस्पर्धात्मक कार्यक्रम सोमबार आयोजना भएको छ । यसमा जसले बाख्रा तानेर बाहिर ल्याउन सफल हुन्छ, उसलाई विजेता मानिन्छ।
खोकना वरपरका नौ टोलका प्रतिनिधि युवा सहभागी हुने यो जात्रामा एउटा जिउँदो कुमारी पाठीलाई काँधमा बोकेर पोखरीमा हाम्फालिन्छ । जसले पाठीलाई भेटाउँछ उसले पानीमै डुबाएर लुकाउँदै लैजाने परम्परा छ । यो जात्रामा निर्दोष प्राणीलाई दुःख दिइने र मारिने भन्दै पशुअधिकारवादी संघ संस्थाहरुले यसको विरोध पनि गर्ने गरेका छन् ।
