-
-
-
-
काठमाडौँ। विश्व स्वास्थ्य संगठन (डब्ल्यूएचओ) ले केन्यालाई मानव अफ्रिकी ट्राइपानोसोमियासिस रोगमुक्त देश घोषणा गरेको छ।
यस रोगलाई सार्वजनिक स्वास्थ्य चुनौतीको रूपमा उन्मूलन गर्न सफल भएपछि केन्या यस्तो उपलब्धि हासिल गर्ने दशौं देश बनेको छ।
मानव अफ्रिकी ट्राइपानोसोमियासिस, जसलाई 'निद्रा लाग्ने रोग' पनि भनिन्छ, केन्यामा उन्मूलन हुने यो दोस्रो उपेक्षित उष्णकटिबंधीय रोग हो।
यसअघि २०१८ मा गिनी वर्म रोग मुक्त राष्ट्रको रूपमा पनि केन्या प्रमाणित भएको थियो।
केन्याले २०औं शताब्दीको सुरुमा यो रोगको पहिलो केस पत्ता लगाएको थियो र अहिले आएर यसलाई सफलतापूर्वक नियन्त्रण गर्न सफल भएको छ।
