काठमाडौँ । काठमाडौँ महानगरपालिकाले आगामी आर्थिक वर्ष २०८२–८३ को लागि गत आइबार प्रस्ताव गरेको बजेट बुधबार नगरसभाबाट पारित भएको छ । कामपाका प्रमुख वालेन्द्र साह (बालेन) को अध्यक्षतामा बुधबार बसेको नगरसभाको १७ औँ अधिवेशनको दोस्रो बठैकले बजेट पारित गरेको हो ।
संवैधानिक व्यवस्थाअनुसार स्थानीय तहलले ल्याउनुपर्ने समयसीमाभन्दा ढिला गरी कामपाले रु २५ अर्ब ७६ करोड ४३ लाख ४१ हजारको बजेट प्रस्ताव गरेको थियो ।
परित बजेटमध्ये सबैभन्दा बढी पूर्वाधार क्षेत्रमा रु ५१ प्रतिशत रहेको छ भने पूर्वाधारपछि सामाजिक विकासतर्फ २० प्रतिशत, कार्य सञ्चालन तथा प्रशासनिकतर्फ रु १४ प्रतिशत, सुशासन तथा अन्तरसम्बन्धीत क्षेत्रमा १२ प्रतिशत र आर्थिक विकासको लागि ३ प्रतिशत बजेट ल्याइएको छ ।
सुनीतासँग सामान्य हाँसो, गुरागाईँसँग असहज
यसपालिको बजेट ढिला हुनुमा दोषी बालेन नै हुन् । उनले प्रमुख प्रशासकीय अधिकृत सरोज गुरागाईँसँग राखेको तिक्तताका कारण नै बजेटमा ढिलाइ भएको हो । गरागाईँको भ्रष्ट कार्यशैली भ्रष्ट भएको भन्दै उनलाई फिटिक्कै मन परेन । जसका कारण उनले काम गर्न सहज मानेनन् ।
बालेनले गत वर्ष पुसमा काठमाडौँ टावरको प्रक्रिया नपुर्याएरै गुरागाईंले नक्सापास गरेको आरोप लगाएका थिए । त्यसपछि चर्केको विवाद अझै कायम छ ।
