काठमाडौँ । सिंगटी हाइड्रो इनर्जी लिमिटेडले अन्तर्राष्ट्रिय गुणस्तर चिन्ह र प्रमाणपत्र प्राप्त गरेको छ । कम्पनीले अन्तर्राष्ट्रिय मापदण्ड पूरा गरेसँगै आईएसओ ९००१–२०१५ प्राप्त गरेको हो ।
सिंगटीको आर्थिक, प्रशासनिक, कार्य सम्पादन, परियाजनाको विकास तथा डिजाइन, निर्माण लगायतको मूल्यांकन गरेर बेलायतमा रहेको स्टानचुली म्यानेजमेन्ट एण्ड सर्भिसेजको बोर्डले प्रमाणपत्र प्रदान गरेको कम्पनीका प्रबन्ध सञ्चालक सुदिप खड्काले जानकारी दिए ।
कम्पनीले दोलखाको सिंगटी खोलामा २५ मेगावाटको सिंगटी खोला जलविद्युत आयोजना सञ्चालन गरी ४ वर्षदेखि व्यवसायिक उत्पादन गरिरहेको छ । उक्त कम्पनी धितोपत्र कारोबारमा संलग्न भई पुँजीबजारमासमेत सक्रिय रहेको छ ।
सिंगटीको केन्द्रीय कार्यालय काठमाडौँको गहनापोखरीमा रहेको छ ।
