बैंककबाट फर्किएसँगै देउवा र ओलीबीच बालुवाटारमा भेटवार्ता
हाम्रा कुरा
प्रकाशित २०८२ वैशाख १४ आइतबार
843
Shares
तस्बिर फाइल
काठमाडौँ । थाइल्यान्डको बैंककबाट फर्किएसँगै प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता भएको छ ।
बालुवाटारस्थित प्रधानमन्त्री निवासमा भएको भेटवार्तामा सत्ता सहकार्यलाई अझ प्रभावकारी र सुदृढ गर्ने विषयमा छलफल भएको उपप्रधानमन्त्री एवं अर्थमन्त्री विष्णुप्रसाद पौडेलले जानकारी दिए ।
नेताहरूले सरकार परिवर्तनका बारेमा चलाइएका हल्ला गलत र निराधार भएको बताएको पनि उनले जानकारी दिए।
सो अवसरमा उपप्रधानमन्त्री एवं अर्थमन्त्री पौडेल र गृहमन्त्री रमेश लेखक पनि सहभागी थिए ।
सभापति देउवा थाइल्यान्डको बैंककमै रहेकै बेला बिहीबार साँझ फोनमार्फत प्रधानमन्त्री ओलीले देउवासँग सरकार परिवर्तनको हल्लाबारे कुराकानी गरेका थिए ।
