ट्रम्पको युद्ध रोक्ने प्रयास थप चुनौतीपूर्ण बन्दै, पुटिनलाई गरे आग्रह
हाम्रा कुरा
प्रकाशित २०८२ वैशाख १२ शुक्रबार
1.6k
Shares
काठमाडौँ । कीभमा भएको घातक रुसी मिसाइल आक्रमणपछि अमेरिकाका राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनलाई आक्रमण रोक्न आग्रह गरेका छन्।
आक्रमणमा कम्तीमा १२ जनाको ज्यान गएको छ र ९० भन्दा बढी घाइते भएका छन्। किएभले यो आक्रमणलाई तीन वर्षको युद्धमा राजधानीमा भएको सबैभन्दा घातक आक्रमणमध्ये एक भएको बताएको छ ।
ट्रम्पले सामाजिक सञ्जालमा लेखे, "म कीभमाथिको रुसी आक्रमणबाट खुशी छैन। यो अनावश्यक र गलत समय हो। भ्लादिमिर, रोक! शान्ति सम्झौता गरौँ।"
उनका विशेष दूत स्टिभ विटकोफ चाँडै रुस भ्रमणमा जाने र पुटिनसँग वार्ता गर्ने तयारीमा छन्।
युक्रेनी राष्ट्रपति भोलोडिमिर जेलेन्स्कीले पनि आफ्ना सहयोगी राष्ट्रहरूलाई रुसमाथि थप दबाब दिन आग्रह गर्दै आक्रमणलाई 'सबैभन्दा घातक र दुस्साहसी' भनेका छन्।
कीभमा रातभरि ७० भन्दा बढी मिसाइल र १४५ ड्रोन प्रहार गरिएका थिए। रुसी पक्षले भने ती आक्रमण युक्रेनको रक्षा उद्योगका लक्ष्यहरूमा केन्द्रित भएको दाबी गरेको छ।
यस आक्रमणले ट्रम्पको युद्ध रोक्ने प्रयासमा थप चुनौती थपिएको देखिन्छ।
