मकर राशिका लागि यो वर्ष मध्यम रहन सक्छ । शनिको गोचर अनुकूल रहनाले शत्रु नाश हुनेछन् । सुखको वृद्धि हुनेछ । उद्योग, होटल व्यवसाय, सरकारी काम, यातायात व्यवसाय आदिबाट लाभ मिल्नेछ । 

आफन्त तथा साथीभाइको सहयोग प्राप्त हुनेछ । दीर्घकालीन रोगबाट राहत मिल्नेछ । वृहस्पति तथा राहु–केतुको प्रतिकूल गोचरका कारण अध्ययन अध्यापनको क्षेत्रमा रोकावट, बोलीमा संयमता नअपनाउँदा गलत अर्थ लाग्न सक्ने, काममा विघ्नबाधाको सामना गर्नुपर्ने समय रहेकाले सतर्कता अपनाउँदा राम्रो हुन्छ । 

यो वर्ष महिनाका दृष्टिले असार, कार्तिक, मङ्सिर र चैत महिना शुभ रहेका छन् । त्यस्तै वैशाख, भदौ र पुष महिना अशुभ रहेका छन् भने अन्य महिना सामान्य रहेका छन् । 

यो वर्षको 
वैशाखः मनोबलमा कमी
जेठः हीनता
असारः शत्रु पराजय
साउनः यात्रा
भदौः कष्ट र परिश्रम
असोजः कान्तिक्षय
कार्तिकः धननाश
मङ्सिरः कार्यसिद्धी
पुसः धननाश र पीडा
माघः स्थान परिवर्तन
फागुनः हानि नोक्सानी
चैतः स्वास्थ्य लाभ

कर्मक्षेत्र/जागिरः मकर राशिका लागि नयाँवर्ष उन्नतिकारक रहनेछ । कार्यक्षेत्रमा उन्नतिका साथै नयाँ कार्य प्राप्तिका योग पनि देखिन्छन् । नोकरीमा पदोन्नति र नयाँ अवसरहरू प्राप्त हुनेछन् । राजनीतिमा प्रभाव जमाउने मौका मिल्नेछ र उच्च स्थानमा पुग्न सकिनेछ । कामबाट उच्च स्थान प्राप्त गर्ने सम्भावना छ । 

आर्थिकः आर्थिक पक्ष यो वर्ष सुखद् नै रहने देखिन्छ । धातुजन्य वस्तुको व्यवसाय सुखद् रहनेछ । पञ्चम गुरूको प्रभावले तपाईंको योजनाहरू र कामलाई अघि बढाउँछ। व्यापारमा नयाँ अवसरहरू खुल्नेछन् र सोचेभन्दा बढी लाभ मिल्नेछ। विशेष गरी वैदेशिक व्यापार र कुटनीतिक क्षेत्रमा सफलता प्राप्त हुने सम्भावना छ। आर्थिक स्थिति बलियो हुनेछ । आम्दानीका अवसरहरू बढ्नेछन् र आर्थिक कारोबारमा सकारात्मक वृद्धि हुनेछ । व्यापार र लगानीमा पनि लाभ हुने संकेत छ । त्यसैगरी, वैदेशिक कार्य र विदेश यात्रा गर्नका लागि मौका मिल्ने देखिन्छ ।

पारिवारिक जीवनः पारिवारिक जीवन सुमधुर रहनेछ । वैवाहिक जीवनमा पनि समझदारी र सामञ्जस्य रहनेछ । पति–पत्नी बीचको सम्बन्ध राम्रो हुनेछ । प्रेमसम्बन्ध सुखद् रहनेछ । मैत्री भावमा वृद्धि हुने देखिन्छ । सुखद् परिभ्रमणका योग पनि देखिन्छन् । 

स्वास्थ्यः स्वास्थ्यमा सामान्य समस्या आउन सक्छन् । विशेष गरी आषाढ महिनाबाट शनि वक्र भएपछि स्वास्थ्य र खानपानमा सजग रहनुपर्ने देखिन्छ। नियमित ध्यान एवं योगाभ्यास स्वास्थयका निम्ति सुखद् रहनेछ । 

शिक्षा र यात्राः वैदेशिक अध्ययन र यात्राका अवसरहरू प्राप्त हुनेछन् । यदि तपाई विदेश जान चाहनुहुन्छ भने यो राम्रो समय हो । आषाढदेखि कार्तिक महिनासम्म तपाईको शिक्षा र अनुसन्धानका क्षेत्रमा उत्कृष्ट परिणाम आउने सम्भावना देखिन्छ । वैशाख, भाद्र र पौष महिना केही चुनौतीपूर्ण हुन सक्नेछन् । यस समयमा संयम र सजगता अपनाउनु उचित हुनेछ । मूलतः गरेर व्यापार, शिक्षा र पारिवारिक जीवनमा सुखद् रहनेछ । स्वास्थ्य र आर्थिक कारोबारमा केही सजगता अपनाउनु होला । 

उपायः समग्र कल्याणका निम्ति दुर्गा भगवतीको उपासना यो वर्ष सुखद् रहने देखिन्छ । ग्रह शान्ति आदि गरेर भगवान् विष्णुको उपासना र देवीको उपासना गरेर वर्षभरि मान प्रतिष्ठा बढाउन सक्नुहुनेछ । वृहस्पति र राहुको शान्तिको लागि पीपलको पूजा गर्नुहोस् ।

शुभ रंगः कालो, नीलो, बैजनी र खैरो ।
शुभ अंकः ३, ६, र ९ ।
शुभ बारः बुधबार, शुक्रबार र शनिबार ।
शुभ महिनाः कार्तिक, पुष र चैत रहेको छ भने अन्य महिना सामान्य रहनेछ ।