-
-
-
-
काठमाडौँ । स्पेनिश ला लिगा फुटबलमा रियाल मड्रिड पराजित हुँदा बार्सिलोना बराबरीमा रोकिएको छ ।
गएरातिको खेलमा रियाल मड्रिड भ्यालेन्सियासँग २–१ गोलले पराजित भयो । त्यस्तै डेपोर्टिभो एलाभेसले गिरोनालाई १–० ले हरायो ।
सेल्टाभिगोले मयोर्कालाई २–१ ले हराउँदा बार्सिलोनाले रियाल बेटिससँग १–१ गोलको बराबरीमै चित्त बुझाउन पुग्यो ।
आजका खेल
आज तीन खेल हुँदैछन् । साँझ ५ः४५ बजे लस पल्मसले रियाल सोसिडाडसँग खेल्दा राति ८ बजे सेभियाले एथलेटिको मड्रिडसँग प्रतिस्पर्धा गर्नेछ ।
राति १०ः१५ बजे रियाल भल्लाडोलिड र गेटाफे खेल्नेछन् ।
अंक तालिका
३० खेलबाट ६७ अंकसहित बार्सिलोना शीर्ष स्थानमा रहेको छ । दोस्रो स्थानको रियाल मड्रिडको समान खेलबाट ६३ अंक रहेको छ ।
एक खेल कम खेलेको एथलेटिको मड्रिड ५७ अंकसहित तेस्रो स्थानमा छ । एथलेटिक क्लब पनि समान २९ खेलबाट ५३ अंकसहित चौथो स्थानमा छ ।
लेगनेस, लस पल्मस र रियाल भल्लाडोलिड रेलिगेशन क्षेत्रमा छन् ।
