वीरगन्ज। टाटा मोटर्सको नेपाली आधिकारिक वितरक सिप्रदी ट्रेडिङ्ग प्रालिले वीरगन्जमा टाटा योद्धा १.५ टीको क्षेत्रीय लन्च कार्यक्रम भव्य रूपमा सम्पन्न गरेको छ। यो शक्तिशाली पिकअप व्यावसायिक प्रयोजनका लागि डिजाइन गरिएको छ र अब वीरगन्जका ग्राहकहरूका लागि सहज रूपमा उपलब्ध हुनेछ।

कार्यक्रममा प्रमुख अतिथि अनिल अग्रवाल, अध्यक्ष, वीरगन्ज उद्योग वाणिज्य सङ्घ, तथा विशिष्ट अतिथिहरू चिनिलाल पटेल, अध्यक्ष, पर्सा मदिरा व्यवसायी सङ्घ, माधव राज पाल, उपाध्यक्ष, वीरगन्ज उद्योग वाणिज्य सङ्घ, तथा जग्गु शाह, अध्यक्ष, नेपाल तरकारी फलफूल व्यवसायी सङ्घ को उपस्थितिमा गाडी सार्वजनिक गरियो।

कार्यक्रममा बोल्दै, प्रमुख अतिथि अनिल अग्रवाल ले टाटा मोटर्सको विश्वव्यापी प्रतिष्ठा, सिप्रदीसँगको सशक्त साझेदारी, तथा उत्कृष्ट बिक्रीपछिको सेवाहरूको प्रशंसा गरे।

“टाटा मोटर्सले सधैँ नेपाललाई प्राथमिक बजार को रूपमा लिएको छ। सिप्रदीले निरन्तर रूपमा गुणस्तरीय सवारीसाधन र प्रभावकारी सेवा उपलब्ध गराउँदै आएको छ। योद्धा १.५ टीको प्रवेशले स्थानीय व्यवसायीहरूलाई उत्कृष्ट पिकअप विकल्प प्रदान गर्नेछ।”

टाटा योद्धा १.५ टीका प्रमुख विशेषताहरू:

• शक्तिशाली इन्जिन: ३ लिटर (२९५६ सिसी) डीजल इन्जिन, २५० एनएम टर्क सहित।
• भार बहन क्षमता: १५०० किलोग्राम (१.५ टी)।
• ग्रेडिएबिलिटी: ३०% ग्रेडिएबिलिटीले अप्ठ्यारो बाटो पनि सजिलै पार गर्न सक्ने।
• डिजाइन: मजबुत बनावट, उच्च ग्राउन्ड क्लियरेन्स र आरामदायी ड्राइभिङ अनुभव।
• विकल्प: ४x२ र ४x४ ड्राइभ विकल्पमा उपलब्ध।

वीरगन्ज उद्योग वाणिज्य सङ्घका अध्यक्ष अनिल अग्रवालले भने, “टाटा मोटर्सले सधैँ नेपाललाई प्राथमिक बजारको रूपमा लिएको छ। सिप्रदीले गुणस्तरीय सवारी साधन र प्रभावकारी सेवा उपलब्ध गराउँदै आएको छ। योद्धा १.५ टीले स्थानीय व्यवसायीहरूलाई उत्कृष्ट पिकअप विकल्प प्रदान गर्नेछ।”

सिप्रदी ट्रेडिङ्गका एजीएम – सिभी सेल्स, कृष्ण चन्दले भने, “टाटा योद्धा १.५ टी सिर्जनशील प्रविधि र उत्कृष्ट प्रदर्शनको नमुना हो। यसको उच्च भार बहन क्षमता, शक्तिशाली इन्जिन, र अप्ठ्यारो बाटामा सहज चल्ने क्षमताले व्यवसायीहरूलाई थप फाइदा पुर्‍याउनेछ। हामी विश्वास गर्छौँ कि योद्धा १.५ टी नेपाली व्यवसायका लागि उत्तम साझेदार बन्नेछ।”

सिप्रदी ट्रेडिङ्गले नेपालभर आफ्नो बलियो बिक्री र सेवा नेटवर्क मार्फत ग्राहकहरूको आवश्यकता पूरा गर्ने प्रतिबद्धता जनाएको छ। यस कार्यक्रम मार्फत सिप्रदीले व्यावसायिक ग्राहकहरूको सफलताका लागि उत्कृष्ट गाडी र सेवा प्रदान गर्ने प्रतिबद्धता दोहोर्‍याएको छ।

यसरी, टाटा योद्धा १.५ टीले वीरगन्जका व्यवसायीहरूलाई उच्च गुणस्तरीय र भरपर्दो सवारी साधन प्रदान गर्ने अपेक्षा राखिएको छ।